ភពឋានអង្គរ
ឰដ៏វេហាស៍ភ្លឺថ្លាថ្កើងថ្កាន
ប្រាសាទចំណានលើឋាននភា
ដូចព្រះកេតុភ្លឺគាប់ទ័យា
ក្រៃល្អសោភារមនាឥតបី ។
នោះជាប្រាសាទអង្គរវត្តយើង
មនុស្សលោកតម្កើងផុតឋានលោកិយ
តាំងនៅឲ្យខ្ពស់ជូនជាតិដទៃ
ឲ្យឃើញសួល័យវប្បដ្ឋានអង្គរ។
ជាស្នាចម្លាក់ឆ្លាក់នៅពាន់ឆ្នាំ
ជាកេរបណ្តាំប្រចាំនគរ
លើដែនកម្ពុរឹងប៉ឹងលេចធ្លោ
មានជោគជយោជំហរកេរខ្មែរ ។
By Lim Rainsey
បើស្អែកនៅមាន
បើស្អែកនៅមានកុំចុះចាញ់
ត្រូវខំប្រឹងវិញកុំរាថយ
ប្រឈមឧបសគ្គកុំបកក្រោយ
ទោះដួលក៏ដោយគង់ក្រោកបាន ។
បើស្អែកនៅមានកុំទ្រុធទ្រោម
កុំញ៉ាកចុះញ៉មត្រូវប្រឹងប្រ
ទោះបីថ្ងៃលិចរះវិញបាន
ច្នោះមនុស្សគ្រប់ប្រាណកុំអល
បើស្អែកនៅមានកុំទន់ជ្រាយ
កុំលង់ផុងងាយនឹងទឹកភ្នែក
ត្រូវប្រឹងរឹងមាំកុំទ្រាំដេ
បង្ហូរទឹកភ្នែកឥតបានការ ។
បើស្អែកនៅមានកុំប្រមាថ
ពេលនាំឲ្យខាតបង់អាសារ
ដៃមានជើងមានប្រឹងធ្វើការ
ខួរក្បាលបញ្ញាប្រើការទៅ ។
បើស្អែកនៅមានកុំបោះបង់
គិតត្រូវផ្លូវត្រង់ផ្ចង់សំដ
តូចក្តីធំក្តីការកុំនៅ
ធ្វើចុះធ្វើទៅនឹងចម្រើន ។
បើស្អែកនៅមានកុំបីខ្លាច
តាំងចិត្តអង់អាចធ្វើឲ្យកើន
ឲ្យកើតប្រយោជន៍ជាកំណើន
ចម្រុងចម្រើនដល់សង្គម ៕
ដោយ ប៊ុន ពិសី
(Photo from Demotix)
សួគ៌ាអ្នកខើច
មិនថាក្លិនស្រោចអាសោចប៉ុនណា
ក្នុងដួងចិន្តាស្រស់ថ្លាគួរគាប់
របរសុចរិតនិត្យជាទម្លាប់
កកាយ កទ្រព្យសាងភព្វលាភជ័យ។
ដែនដីសម្រាមច្បាមល្ងាចច្បាមព្
ប្រញាយប្រញឹកវឹកវាតឃ្មាតខ្មី
ក្រែងបានរបស់លក់ស្អែកព្រឹកថ្មី
សន្សំសំចៃដើម្បីគ្រួសារ។
ដំបូលកៅស៊ូជញ្ជាំងក្រដាស
រស់នៅខើចណាស់យ៉ាកនឹងវាចា
បានព្រឹកខ្វះល្ងាចស្រេកឃ្លានឈឺផ្សា
ត្អូញប្រាប់នរណាអោយគេនឹងស្តាប់?
មានតែប្រឹងទ្រាំតាមកម្មតាមផល
ធ្វើការរចល់មិនស៊ូដេកស្លាប់
តក់ៗព្យាយាមអត្តភាពជាញជាប់
បុណ្យផលគួរគាប់ភព្វបានដោយសាង។
សង្ឃឹមថ្ងៃមួយបានជម្រកថ្មី
សសរដោតថ្មីលើដីស្អិតស្អាង
មានដំបូលជិតលែងរត់តូងតាង
មានភ្លៀងធ្លាក់ខ្លាំងលែងព្រួយរងា។
ថ្វីត្បិតថ្ងៃនេះត្រឹមប្រក់កៅស៊ូ
ស្អែកច្បាស់បានប្តូរមានផ្ទះរមនា
អោយតែប្រឹងខំប្រឹងប្រែងម្នីម្នា
ថ្ងៃមួយគង់ជាជួបផលសម្រេច។
អ្នកស្រី កែវ ច័ន្ទបូរណ៍
