Category: កំណាព្យអប់រំ ៣
ទោះមានឬក្រ
ទោះបីមានក្រឬម្ដេចម្ដា
អោយតែសង្ខារយើងនៅគង់
កូនអើយ! ស៊ូទ្រាំ កុំបោះបង់
ទើបយើងលែងលង់ភាពក្រីក្រ។
ពេលជួបឧបសគ្គកុំតក់ស្លុត
តស៊ូមុះមុតពេញជំហរ
ទេវតានឹងជួយប្រទានពរ
សាទរលុះកូនបានជោគជ័យ។
កម្លាំងគ្រួសាររួមប្រយុទ្ធ
រំដោះរួចផុតអស់គ្រោះភ័យ
ទោះត្រូវលំបាកតាមផ្លូវក្ដី
ប្រឹងដោយប្រពៃណា៎កូនណា៎!
ហោចណាស់យើងនៅមានជីវិត
សូមកូនវរមិត្រញញឹមថ្លា
ងើបឡើងសាងផលភ័ព្វវាសនា
ប្តេជ្ញាសាងខ្លួនអោយរុងរឿង។
នភហង្សផលា
ថ្ងៃទី ២៣ ខែ វិច្ឆិកា ឆ្នាំ ២០១១