«ស៊ូ»
«ស៊ូ»
នៅមានជីវិតត្រូវតស៊ូ
កុំដេករអ៊ូឥតបានការ
ធ្វើនេះធ្វើនោះតាមសម្មា
ធ្លាប់ខ្លួនឧស្សាហ៍ កើនប្រយោជន៍។
មិនថាលោកនេះអាក្រក់ល្អ
គួរប្រឹងត្រដរលុះរុងរោចន៍
ការកេរ្ដ៍បានល្អចៀសអសោច
រស់នៅយ៉ាងហោច គេស្រឡាញ់។
បើសិនជាគ្មានទីពំនាក់
សូមញាតិឆាប់ភ្ញាក់គិត «អង្គអញ»
ដាស់ព្រះក្នុងខ្លួនកុំអាលចាញ់
ប្រឹងអោយត្របាញ់ ទោះម្ដេចម្ដា។
តស៊ូស្វិតស្វាញដោយស្វាហាប់
មិនយូរមិនឆាប់គង់សុខា
ព្រះនៅក្នុងខ្លួនតាមរក្សា
ទោះដល់វ័យណា ក៏នៅតែមានសង្ឃឹម...
Share:
